MARTXA BATEN LEHEN NOTAK
JosAnton Artze
Mikel Laboak musikatua
Eguzkiak urtzen du goian
gailurretako elurra
uharkada jausten ibarrera
geldigaitza den oldarra.
Gure baitan datza eguzkia
iluna eta izotza
urratu dezakeen argia
urtuko duen bihotza.
Bihotza bezain bero zabalik
besoak eta eskuak
gorririk ikus dezagun egia
argiz beterik burua.
Bakoitzak urraturik berea
denon artean geurea
etengabe gabiltza zabaltzen
gizatasunari bidea.
Inon ez inor menpekorikan
nor bere buruaren jabe
herri guztiok bat eginikan
ez gabiltza gerorik gabe.
Batek goserikan diraueno
ez gara gu asetuko
beste bat loturik deino
ez gara libre izango.
@Eleder_BuM (Twitter) www.burumapak.blogspot.com (Basque)
No hay comentarios:
Publicar un comentario